Barain

De Vicipedia
Jump to navigation Jump to search
Rena de Barain
مملكة البحرين
Mamlakat al-Baḥrayn
Flag of Bahrain.svg Emblem of Bahrain.svg
Bahrain on the globe (Bahrain centered).svg
Informa jeneral
Capital: Manama
Lingua ofisial: Arabi
Dirije
Governa: Monarcia constitual
- Xef de stato: Re Hamad bin Isa Al Jalifa
- Xef de governa: Ministro xef Jalifa bin Salman Al Jalifa
Otras
Area: 760 km²
Popla: 1 234 571
Densia: 1626
PIB: US$ 31 101 milion
Mone:
Zona de ora: UTC +3
Numero de telefon: +973
Interede: .bh
Bahrain map.png

Barain (en arabi: البحرين‎‎ (escuta) al-Baḥrayn), nomida ofisial la Rena de Barain, es un monarcia arabi peti en la Golfo Persian. Lo es un pais cual es composada de un arcipelago peti cual ensirca la Isola Barain. Lo es entre la penisola de Catar e la costa norde-este de Arabia Saudi, de cual lo es juntada par la Via Levada de Re Fahd (جسر الملك فهد‎‎, Jisr al-Malik Fahd) cual es 25 cilometres longa. La cuantia de abitores, en la anio 2007, ia es sirca 708 573 persones; sirca en la anio 2010, la cuantia de abitores ia es sirca 1 234 571, cual inclui 666 172 nonsitadanes. La area es sirca 765 cilometres cuadrida, donce lo es la tre de la plu peti nasiones en Asia, segueda Maldives e Singapor. La site capital es Manama. La lingua major es arabi.

Barain ia es la loca de la sivila antica de Dimlun. Lo ia es famosa de pos la eda antica per sua pexerias de perlas, cual ia es regardada como la plu bon en la mundo en la sentenio 19. Barain ia es un de la areas prima cual ia converti a islam (en 628 ec). Pos un periodo de governa arabi, Barain ia es ocupada par la portugeses en 1521, ci ia es espulsada en 1602 par Xa Abbas 1 de la dinastia Safavi sur la Impero Persian. En 1783, la clan de Bani Utbah ia catura Barain de Nasr Al-Madhkur, e de pos esta, lo ia es governa par la familia real de Al Khalifa, con Ahmed al Fateh como la hakim prima de Barain. En la tarda de la desenio de 1800, seguente tratas en serie con la brites, Barain ia deveni un protejeda de la Rena Unida. En 1971, Barain ia declara sua autonomia. Nomida un amiria en la pasada, Barain ia deveni nomida un rena en 2002. En 2011, la pais ia esperia protestas cual ia es inspirada par la Primavera Arabi rejional.